REDS КЛУБИЙН ТАМИРЧИН Э.МӨНХБААТАР ОЮУНЫ ОЛИМПТ АМЖИЛТТАЙ ОРОЛЦЛОО
АНЭУ-ын Дубай хотноо 4 жилд нэг удаа зохиогддог "Memoriad-2024" World Mental Olympics буюу “Оюуны олимп” нь 3 өдөр үргэлжлэх ба 35 орны 180 тамирчин ой тогтоолт, цээж бодолт болон хурдан уншлагын 12 төрлөөр өрсөлдөж Ой тогтоолтын шигшээ баг 35 медаль, Түргэн бодолтын шигшээ баг 3 медаль хүртэж үнэмлэхүй ялалт байгууллаа. Тус олимпод Монгол улсаа төлөөлөн Түргэн бодолтын 4 тамирчин 100 гаруй тамирчинтай өрсөлдсөнөөс RedS клубийн тамирчин Э.Мөнхбаатар маань тэмцээний 4 төрөлд авхаалж самбаа, хурд хүчээ сорин маш амжилттай оролцлоо. Тэмцээний 8 дахь төрөл болох "Mental Calendar Dates" буюу 60 секундийн хугацаанд дэлгэцэн дээр гарч ирэх он, сар, өдөр долоо хоногийн ямар гараг болохыг аль болох олныг алдаагүй тооцоолох зорилготой “Хүн хуанли” төрөлд хүн тооны машин Э.Мөнхбаатар маань 60 секундэд 53 өдөр тооцоолж бодсоноор шилдэг 5 тамирчны нэгээр шалгарлаа. 🇲🇳 Оюуны олимпод оролцож буй хүн тооны машинуудтай эн тэнцүү өрсөлдөн, бүх хичээл зүтгэлээ дайчлан, өндрөөс өндөр босгыг даван туулж, арвин их туршлага хуримтлуулж, амжилттай оролцсон Э.Мөнхбаатартаа болон дасгалжуулсан Э.Энхзаяа, Д.Баяраа багш нартаа, мөн Монголын шилдэг баг тамирчдадаа, тамирчныхаа эцэг эх, гэр бүлийнхэнд нь ТАЛАРХАЛ илэрхийлж халуун баяр хүргэе 🥰👏🙏🇲🇳🇲🇳. Удахгүй Монголын нийт баг тамирчдын амжилтын дэлгэрэнгүй мэдээллийг оруулах болно. ОФИЦЕР-МОНГОЛЫН ОЮУН УХААНЫ АКАДЕМИ 2024.11.10